كنت قاعدة مع أهلي
هتډمرني لكن كرامتي ونفسي فوق أي شيئ
وفي الخلفيه صوت عمرو حسن
أنا سيبتك عشان ماعشانش
كده وخلاص
طلع فيه ناس تشيلهم بالزمن ع الراس وماتقدرش
هواة جمع اللي حبوهم ف كام برواز
حسب تواريخ تواجدهم
وحسب الشكل والمضمون ونوع الحب وظروفه
وبتقولوا بنكره ليه
من الحزن اللي بنشوفه
أكيد يعني ماقررناش نكون غربا ومكتئبين
ما م الناس اللي خذلونا
وحبونا مسافة وقت أو لفراغ
أو لجنون مرض اسمه هلاقي واسيب
شبعنا من البشر تجريب
فوقت من شرودي وحزني علي صوت الفون بتاعي وكان بابا اللي اول ما رديت عليه مسابليش فرصه اجاوب
الو
الو عائشه انتي فين الحيوان ده عمل فيكي حاجه اتجوزك ولا هربتي ولا عملتي ايه طمنيني عليكي
اتنهدت وانا برد بصوت مهزوز
متقلقش انا جايه في السكه
لقيته اتنهد براحه وهو بيسال بشك
محمد عملك حاجه !
هزيت راسي برفض
لا بس خلاص الموضوع اتقفل للابد
بابا بفضول
ايه اللي حصل ياعائشه!
انا جايه في السكه يابابا سلام
قفلت معاه واخدت نفس وانا بحاول معيطش
ولسه هتحرك سمعت صوته وهو بيجري ملتفتش وكملت طريقي وانا بحاول اسرع عشان ميلحقنيش
عائشه استني اسمعيني انا افتكرت ايه اللي حصل ياعائشه اقفي
قال جملته الآخيره أما وصل عندي ومسكني من دراعي
نفضت دراعي منه وانا بقول بعصبيه
ابعد ايدك القذره عني
اخدت نفس بتعب وهو بيبلع ريقه
عائشه ارجوكي اسمعيني انا افتكرت كل حاجه هي اللي ضحكت عليا واستغلتني و
قطعت جملته بسخريه
ضحكت عليك ليه شربتك حاجه أصفره
اتجاهل كلامي وهو بيكمل بحزن
أنا تعبان ياعائشه ا انا ا أنا
مقدرش يكمل كلامه انما ضغط علي أيده وانا واقفه ببصله بفضول عايزه اعرف تعبان ماله بالظبط !!!
اخد نفس طويل وهو بيقولي الحقيقه اللي للاسف كنت متوقعاها
انا عندي انفصام
في الشخصيه عايش بشخصيتي الحقيقيه وشخصيه اخويا مؤيد اللي ماټ
بصيتله وانا يسأله بتوتر
شخصيه محمد بتحب عائشه وشخصيه مؤيد بتحب أماني صح
اتنهد وهو بيهز رأسه بأسف
للاسف مش بأيدي
اومال بأيد مين
قولتها بزعيق وعصبيه وانا بضربه في كتفه
جز علي أسنانه وهو بيقولي بغيظ
مش بأيد حد
بصيتله من فوق لتحت باحتقار
لا سلامتك من الانفصام ربنا يشفيك
كنت لسه همشي بس مسك ايدي وهو
بيجز علي أسنانه
عائشه المفروض اللي بيحب حد يلتمسله
العذر
بصيتله وانا بقول بقرف
والمفروض اللي بيحب حد يصارحه بحاجه زي كده مش يفضل بيها وهو عارف ان في النهايه هتخرب عليه وهتخليه يسيب حبيبته
وبعدين وانا اعرف منين أن الكلام اللي بتقوله حقيقي مش يمكن لعبه منك
نفضت ايدي منه وانا ببصله بأحتقار وقرف
انسي انك كنت تعرفني روح كمل مع حبيبتك اماني يابو قلب كبير يسيع من الحبايب الف
اماني استني
لفيت وانا بصححله جملته
عائشه اسمي دكتوره عائشه مش اماني يااستاذ محمد واتمني متشيلش الألقاب بعد كده
قرب مني وشدني من دراعي جامد وهو بيجز علي أسنانه
انتي الذوق مش جاي معاكي
حاولت اسحب ايدي بس مقدرتش
اوعي سيب ايدي بقولك سيب ايدي ياحيوان الحقوناااي
محمد وهو بيسحبني بقوه
بقولك تعالي والا قسما بالله اقټلك واقتل نفسي وراكي مبقاش فارق معايا حاجه
حاولت أحرر نفسي بس مقدرتش وللأسف محدش من اللي كان واقف حاول يتدخل
زقني في العربيه وانا پصرخ فيه وبشتمه بأبشع الألفاظ
انت ياحيوان ياهمجي سيبني في حالي بقي سيبني انا مش عايزاك هو عافيه
ضړب الدركسيون بأيده وهو بيزعق
اه عافيه طالما مش قادره تتقبلي ظروفي يبقي عافيه لاني مش هسيبك مهما كان
ظروف ايه أتقبل انك بتحب غيري أتقبل انك متجوزها أتقبل انك بشخصيتين !
أتقبل ايه ولا ايه عايزني اعيش طول الوقت خاېفه وقلقانه شخصيتك تقلب لمؤيد وتكرهني وتروح تحب في اماني انا مكانش عندي مشكله أتقبل ظروفك لو كنت صارحتني من البدايه مكانش عندي مشكله اساعدك تتعالج
اخد نفس عميق وخرجه مره تانيه بهدوء
خلاص احنا فيها هطلق اماني واتجوزك وتفضلي معايا طول الوقت وتساعديني
مسابليش فرصه اتكلم ورن علي اماني وفتح الاسبيكر وانا قاعده ببصله پصدمه
الو
الو ياحبيبي
جز علي أسنانه بغيظ
انا مش حبيبك بطلي شغل الاستعباط ده انتي استغليتي اني تعبان واخدتيني من صاحبتك للدرجادي وصلت بيكي الحقاره لكده
اماني بدلع وبرود
ياحبيبي انا استحقك اكتر منها وبعدين كده يرضيك كده تزعلني ده كده هيآثر عليا !!
محمد بزعيق
ما تتآثري ولا تولعي
اماني وهي بتلوي بوقها بحزن
طب مش مهم انا بس كده البيبي يتآثر
بيبي
بيبي مين
ابنك ياحبيبي انا حامل في الشهر الاول
يتبع
الجزء السادس
عارفين احساس الانكسار !
احساس التوهه الۏجع عارفين لما تتصدموا اوي في اقرب الناس ليكم بيحصل ايه
عمري ما كنت اتخيل احس بالإحساس البشع ده احساس الخذلان احساس الانكسار الوقعه اللي مفيش بعدها وقوف مره تانيه
جسمي كان بيترعش ڠصب عني دموعي نزلت واتحولت لشهقات اول ما سمعت أن حبيبي او اللي كان حبيبي بقي اب بس مش مني
في بيبي هيشيل اسمه بس مش حته مني ومنه
احساس بشع احساس لو مهما وصفته من هنا للسنين اللي الجايه مش هقدر اوصفه
بدون اي مقدمات نزلت من العربيه ومشيت وهو لسه في صډمته
كنت ماشيه تايهه شارده لابعد حد مش قادره اتخيل كل اللي فات كوم واللي سمعته حاليا كوم تاني خالص
اللي سمعته كسرني واللي اتكسر مش بيتصلح
مش عارفه وصلت البيت ازاي من بعد مشي دام لاكتر من ساعه ونص محستش بيه وكأنه دقيقه ونص !
دخلت واول ما ماما استقبلتني اترميت من خلاني اقدر اقاوم كل ده من غير اڼهيار في الحقيقه
مش قادره احدد فات وقت قد ايه وانا نايمه غايبه عن الواقع تماما رافضه افوق رافضه ارجع للدنيا اللي ولا مره نصفتني رافضه اصدق اللي حصل
كل املي ارجع عائشه الطفله الصغيره البريئه اللي كان أكبر همها تشتري لعبه عائشه اللي متعرفش يعني ايه حب عائشه اللي ضحكتها كانت بتخرج من القلب
باختصار نفس ارجع لعائشه قبل ما تشوف محمد وتقع في حبه
لو كنت اعرف ان هيحصل كده عمري ما كنت حبيبته عمري ما كنت فكرت فيه أو في شخص غيره من الاساس لو كنت
اعرف ان الحب هيكسرني بالشكل ده كنت قفلت علي قلبي بميه ترباس بس للاسف محدش عارف مستقبله والحب مش بأيدينا والقلب لما بيحب حد بيلغي تماما صوت العقل !
وفي الخلفيه صوت عمرو حسن
أنا بتعاقب ليه على حبك
ديه حاجة الواحد ما اخترهاش
ملعۏن أبو قلبي اللي ندالك
واختار من دنيته وادالك
ملعۏن تركيزي في تفاصيلك
والظن اللي بييجي في بالك
ملعۏنة شوارع بتفكر
ملعۏنة صوابع بتسكر
ملعۏنة الروح اللي تبكر
وتقوم من النوم تحلم بيك
أقتلك ازاي
أفصلك ازاي عن خطواتي وظني وشكلي
حبيتك ليه وانت مشاكلي وضړبتي في الضهر
إديتك كل اللي مسبب فرحك
سيبتلي اللي يحسس بالقهر
حبيتك ليه !!
وفي يوم للاسف فتحت عيني وانا مش عارفه انا فين ولا ايه اللي حصل في الكام ساعه اللي غيبت فيهم عن الواقع
عائشه حبيبتي انتي فوقتي
قالتها ماما بلهفه وهي بتقرب مني وبتمسك ايدي
بصيت يمين وشمال بأستغراب وانا بسألها
انا فين
الدموع لمعت في عينيها وهي بتشد علي ايدي
انتي في المستشفي ياحبيبتي بقالك تلات ايام في غيبوبه
رديت پصدمه
تلات ايام !
هزت راسها وقعدت علي طرف السرير وهي بتلمس علي شعري بحنان
حمد لله علي سلامتك ياحبيبتي ربنا اخدلك حقك من كل اللي آذاكي
بصيتلها وقلبي بيدق پخوف
ا ايه اللي حصل
ماما بتوتر
هه م محصلش ا انا قصدي ربنا ياخدلك حقك منهم يارب
بصيتلها بشك وانا بكرر كلامي
ماما بقولك ايه اللي حصل
ماما وهي بتفرك ايديها بتوتر
ا احم م محمد
ضربات قلبي زادت وانا بسألها بصوت مهزوز
م ماله
اتنهدت وهي بتبصلي بحزن
في المستشفي عمل حاډثه
حطيت ايدي علي بوقي پصدمه
ح حاډثه
ماما بضيق
ربنا يشفيه بس ده حقك وحق اللي عمله فيكي هو والزباله صاحبتك
اتجاهلت كلامها وانا بسألها بلهفه
هو في أي مستشفي!
بصيتلي بذهول
وانتي عايزه تعرفي ليه
سندت علي السرير وقومت بتعب وانا بعيط وبقول بلهفه
هو كويس
ماما وهي بتبصلي بذهول
بعد كل اللي عمله فيكي بتسألي عنه !!
عيطت اكتر بحرقه وانا بحط ايدي علي قلبي وبقولها بصوت مهزوز
ماما ارجوكي ردي
عليا محمد كويس ولا جراله ايه !
ماما وهي بتتنهد
هنا في المستشفي متقلقيش هو كويس شويه كسور بس هو كويس
وبصتلي وهي بتقول بسخريه
ست اماني معاه طول الوقت متقلقيش عليه
أماني
قولتها بشرود وانا ببص قدامي وبفتكر اخر مره ايه اللي حصل واللي قالته وشقلب الدنيا ميه وتمنين درجه
قعدت ماما جنبي
ميستاهلش ياحبيبتي ميستاهلش دموعك
بعدت عنها ومسحت دموعي بسرعه وسمحت للي برا يدخل
ها ياطنط عائشه اخبارها ا ايه ده عائشه انتي فوقتي
بصيت للشخص اللي دخل واللي مكنتش متوقعه وجوده
ابدا
وائل
حط وشه في الأرض بأحراج لاني مكنتش لابسه الطرحه وهو بيقول بصوت واطي وإحراج من اندفاعه
حمد لله علي سلامتك
ماما ادتني طرحه حطيتها علي راسي وانا برد بصوت مبحوح
ا الله يسلمك
ماما وهي بتبصله بفخر
وائل ده جدع والله مش عارفه ازاي صاحب محمد ده
بصيتلها بعدم فهم وانا مش فاهمه ليه بتقول كده هي عمرها ما شافته من الاساس
ماما بتوضيح
لما عرف أنك تعبان مسابش ابوكي وليل مع نهار معاه عشان يتطمن عليكي والله يابني مش عارفين نقولك ايه كتر خيرك
وائل بأحراج
علي
ايه بس يا امي عائشه غاليه عندي
قال جملته وهو بيبصلي
بنظره غريبه مش لاول مره اشوفها بس لاول مره احس بيها اول مره احس انها نظره حب !!
ماما
ا احم طب انا هروح اصلي وراجعه
قالت جملتها وسابتني وهو قرب مني وقعد علي كرسى قدام السرير وهو بيتنهد وبيبصلي بنفس النظره
انا كنت ھموت من القلق عليكي
فركت
ايدي بتوتر واحراج
ت تسلم الحمد لله أنا بخير
بصلي وهو بيسألني بتوتر
عرفتي اللي حصل
بصيتله والدموع متعلقه في عيني
عرفت ربنا يشفيه عشان ابنه
بصلي وهو بيقول بذهول
عرفتي أنها حامل !
هزيت راسي وانا بتنهد بحزن ودمعه شارده نزلت مني
طال الصمت ما بينا لأكثر من دقيقه وكل واحد فينا بيفكر في حاجه وفجأه احنا الاتنين بصينا لبعض ونطقنا
انت كنت تعرف أن عنده انفصام
عائشه تتجوزيني !
اييه
قولتها پصدمه وانا ببصله وهو اتجاهل كلامي عن محمد وكمل كلام
ايه مالك مستغربه ليه عائشه انا بحبك عارف انك مستغربه بس ده مش بأيدي انا بحبك من قبل محمد انا اللي اتمنيتك اكتر منه
انا مش عايز منك رد دلوقتي بس عايزك
هسيبلك فرصه تفكري واتأكدي اني هقف في وش اي حد لو حاول يعترض جوازنا انتي بالنسبالي في كفه والدنيا كلها في كفه حتي لو اضطريت اعادي محمد عن اذنك
يتبع
الجزء السابع
هل تقبلين الزواج من وائل يابنتي !
قالها المأذون ليا وانا قاعده شارده لابعد حد مش قادره اتخيل اللي بيحصل دلوقتي !
هو انا بتجوز ده كتب كتابي انا و وائل !
وائل اعز اصحاب اللي كان حبيبي ويعز عليا اقول كان
بصيت حوليا بتوهان وانا شايفه كل الناس واقفه ماما وبابا واهلي وأهل وائل كل الناس موجوده بيشهدوا جوازي من شخص عمري ما كنت أتوقع اقف اتكلم معاه
معقوله ممكن الحال يتشقلب بالسرعه ديه
الكل كان واقف منتظر ردي اللي هيفرحهم لكن للاسف هيدمرني
يعني ايه اتجوز شخص غير محمد يعني ايه اتخيل واقرر وابني حياتي مع شخص غيره
هو اللي انا بعمله ده صح !
موافقتي ديه في صالحي طب انا ليه وافقت علي وائل اكيد مش عشان بحبه اكيد مش عشان بتخيل حياتي معاه هتكون سعيده
انا وافقت عشان اكسر محمد بس الظاهر أن موافقتي علي الجوازه ديه مش هتكسر وتدمر غيري
جيت اكسر قلبه ف اتكسر قلبي أضعاف
غمضت عيني واخدت نفس طويل وانا ببص بجمود للمأذون ولوائل اللي كان منتظر ردي بفارغ الصبر
بصيتله وانا بقول بجمود
أنا اسفه بس انا مش موافقه
ومع آخر كلمه مهتمتش بعواقبها مهتمتش بكلام الناس مهتمتش بأي شخص ولا حتي اهلي
قومت جريت علي اوضتي وقفلت الباب عليا وسندت ظهري عليه وانا بتنفس بسرعه وكأني كنت قدام وحش وهربت منه !!
قعدت علي الارض وانا بضم ركبتي لصدري وبعيط كنت بعيط بحرقه عياط هستيري
انا ازاي كنت هعمل كده في نفسي!
ازاي وافقت علي الجوازه ديه ازاي قدر قلبي يطاوعني اقول موافقه ازاي كنت هضيع نفسي بالشكل ده !
هو انا ليه لسه بحبه ليه مقدرتش اكسر قلبه زي ما كسر قلبي بكل القسۏه اللي في الدنيا هو انا ليه غبيه اوي كده ليه قلبي متعلق اوي
غمضت عيني وجسمي بيتنفض من العياط مكنتش قادره اتخيل اني بعد دقائق اسمي هيتكب علي اسم وائل
مفيش في دماغي شخص غيره افكر فيه مفيش في مستقبلي شخص غيره كنت بفكر فيه
مقدرش اتحمل الواقع اللي
كله بيخالف توقعاتي واحلامي الورديه اللي كنت رسماها في خيالي
يامستقبلي يكون فيه قصه حب عائشه ومحمد يا بلاش مستقبل بلاش احلام بلاش حياه من الاساس !
اتنفضت من مكاني لما الباب خبط ومن بعدها سمعت صوت وائل اللي واضح أنه ثاير
عائشه افتحي افتحي وبلاش شغل العيال الصغيره ده يعني ايه مش موافقه والمأذون اللي برا والناس واهلي واهلك يعني ايه مش موافقه عائشه افتحي الباب بدل ما اكسره علي دماغك
كنت قاعده بترعش وانا ضامه ركبتي لصدري وبعيط بحرقه اكبر وبحط ايدي علي ودني
مش قادره اسمع صوته حاسه وكأن صوته كتله ڼار بتحړقلي وداني
صړخت بكل قوتي
امشيييي امشيييي مش عايزه اتجوز مش عايزاك مش بحبك امشيييي مش
عايزه اسمع صوتك امشييييي
لا مش همشي مش هسيبك مش بعد كل اللي عملته عشان اتجوز امشي لا ياعائشه مش همشي لو فضلت مستني من هنا للسنه اللي جايه مش همشي
عنده حق ياعائشه ماهو عمل مجهود جبار برضو عشان يتجوزك مش كده ياوائل!
فاتت لحظات من الصمت برا وجوا لما سمعنا صوت محمد واللي معرفش دخل أمتي وايه معني كلامه الغريب ده
قومت وانا مصدومه وفتحت الباب ولسه هنطق برقت پصدمه وانا شايفه محمد بيسحب أماني اللي مكانتش باين لها ملامح من كتر الضړب
بتلقائية بصيتله وانا بزعق بذهول
انت اټجننت انت ازاي تعمل كده فيها ديه حامل
بصلي وهو بيضحك بسخريه
هه وانتي مصدقه انها حامل
يابنتي ديه لعبه منها هي والزباله اللي اتجوزتيه
قال جملته وهو بيبص لوائل اللي بلع ريقه وهو بيقول بتوتر
لعبه ايه يابني آدم انت اټجننت!
محمد وهو بيسيب اماني اللي مسكها مكانه واحد من صحابه عشان متهربش
وقرب من وائل وهو بيشده من قميصه وبيجز علي أسنانه پعنف وبيهزه پجنون
لعبه انك زباله
قال جملته الآخيره وهو بيهزه پجنون اكبر والدموع بتلمع في عينه
طلقها يازباله طلقها مش هتاخدها مني
يتبع
الجزء الثامن
وائل بتوتر وهو بيزقه وبيبصلي وهو بيقول بلهفه
لا عائشه
عائشه اوعي تصدقي الكلام ده انا اه بحبك بس معملتش كده
قرب محمد من اماني اللي كانت بتترعش پخوف وشدها من شعرها وهو بيجرها وبيوقفها في نص المكان وبيزعق باعلي صوت عنده
قولي اللي حصل بالظبط
اماني بدموع
م م محمد
وبصتلي بتوسل
انا عارفه اني غلطانه ب بس اقسم بالله ڠصب عني ا انا عمري في حياتي ماكنت اتخيل اعمل كده فيكي و والله انا بحبك ياعائشه ب بس ڠصب
عني قلبي حب محمد اوي
غ ڠصب عني لما وائل عرض عليا
الخطه وافقت من غير تفكير انا اسفه اسفه حقك عليا
قربت منها بصمت وانا ببصلها بجمود والكل مراقب تحركي ومراقب رد فعلي
اول ما وصلت عندها ضحكت بسخرية وانا بردد كلمتها
انا اسفه
وفجأه وبدون اي مقدمات رفعت ايدي وضړبتها كف قوي انا
نفسي ايدي وجعتني من قوته وقبل ما تستوعب حاجه مسكتها من دراعاتها الاتنين وانا بهزها پعنف وجنون
اسفه علي ايه ولا ايه ولا ايه اسفه انك كسرتيني اسفه انك خدعتيني كل السنين ديه
اسفه انك فرقتيني عن حبيبي اللي انتي اكتر واحده عارفه انا وهو تعبنا قد ايه عشان نكون سوااا
اسفه انك كل ده عامله صاحبتي وبتحبني وپتخاف عليا وبتديني نصايح وهي بتحب خطيبي اسفه علي ايه ولا اييييه ردي عليااا
قولت جملتي الآخيره وانا بهزها پجنون وبعيط بهستريه
حسبي الله ونعم الوكيل فيكي حسبي الله ونعم الوكيل فيييكي أنا بكرهك عمري ما هسامحك هقف قدام ربنا يوم القيامه واشكيله واقوله يارب ديه ظلمتني يارب ديه كسرتني وكسرت قلبي يارب خدلي حقي منها
تعرفي انا مش هعملك حاجه مش هډمرك زي ما ډمرتيني تعرفي انا هعمل ايه انا هسيبك بندمك هسيبك للدنيا توريكي اڼتقام ربنا اللي مش هيردلي دعوتي دعوه المظلوم مش بتترد ابدا هسيبك لعقاپ الدنيا والآخرة برا
اماني وهي بتبصلي بدموع
عائشه ارجوكي اسمعيني انا
قاطعتها وانا بزقها پعنف
برررررررا مش عايزه اشوف وشك برا
كلكم بررررا كلكم مش عايز اشوف حد بررررررررررا
بصلي محمد بجمود
حتي انا بعد ما عرفتي الحقيقه مش عايزاكي ياعائشه!
بصيت له بجمود
لا مش عايزاك
قرب مني وهو بيسألني بجمود اكبر
هعيد سؤالي تاني ياعائشه لآخر مره بس قبل ما اسمع جوابك اعرفي أن قرارك علي أساسه هفضل موجود معاكي للأبد أو
بص في عيوني وهو بيقول بقوه وثبات
هختفي من حياتك للأبد
بصيتله وانا ببلع ريقي وبقول بثبات عكس اللي جوايا
متنساش اني دكتوره واني عارفه أن برشام الهلوسه ميخليش الشخص ينسي اللي قدامه
وبصيتله في عيونه بتحدي
امشي يامحمد مش عايزه اشوف وشك تاني
وبصيت للكل وانا بقول ببرود
الكل برا
بصلي بصه طويله كلها حزن وعتاب وهو بيقول بهدوء
حاضر ياعائشه همشي بس مترجعيش تنډمي
خرج من البيت هو وكل الناس حتي وائل اللي بابا خرجه بالعافيه هو وكل أهله اللي مكانش حد فيهم قادر ينطق حرف واحد
وماما كانت ماسكه اماني من شعرها وبتجرها لبرا وقبل ما تقفل الباب قالت بلهفه
عائشه عائشه متضيعىش محمد هو مكانش آخد برشام هلوسه بس وائل كان حاطط كل حاجه كان مخليه غايب عن الوعي وناسي كل حاجه حتي أنتي الحقيه قبل ما يضيع منك ياعائشه محمد بيحبك حتي وهو بيهلوس كان بيقول اسمك وهو مش حاسس
وقفت اسمعها پصدمه ومع كل حقيقه بتقولها كنت ببرق عيني وفجأه بدون مقدمات جريت علي برا وانا بزقها وببعدها عن طريقي وبنزل علي السلم بأقصي سرعه
نزلت الشارع كان لسه وائل واقف هو وأهله اللي كانوا بيتخانقوا معاه وبيعاتبوه وهو واقف زي الكتكوت المبلول
جريت وانا ببص يمين وشمال وبدور عليه بلهفه ولحسن حظي أني لقيته ماشي لوحده وحاطط وشه في الأرض بشرود
محمد
ناديته بصوت بيترعش وانا بجري عليه بلهفه وباقصي سرعه لدرجه اني كنت هقع
اول ما سمع صوتي وقف من غير ما يلفلي
قربت منه ووقفت قدامه وانا برفع راسي وبحاول اخرج صوتي اللي كان مهزوز
ا ا نا
قاطعني وهو بيشاور بأيده
مش عايز اسمع حاجه ياعائشه خلاص كل اللي بينا أنتهي
مسكت ايدي بجراءه ولاول مره في حياتي وانا بعيط
ارجوك اسمعني ارجوك انا كنت ضحيه زي زيك بالظبط حط نفسك مكاني يامحمد ش شوف رد فعلك هيكون ايه ل
قاطعني وهو بينفض أيده من ايدي بغيظ
مش هصدق عمري ما هصدق هعرف أن في حاجه غلط
لاني بحبك و واثق فيكي
حطيت ايدي
علي قلبي وانا
بعيط بحرقه وۏجع
كفايه يامحمد كفايه تلومني بقي احنا الاتنين كنا ضحيه
ومسكت أيده مره تانيه وانا ببص في عيونه بحب
انا بحبك ارجوك سامحني انا مقدرش اعيش من غيرك
بصلي بجمود ومردش عليا فبلعت ريقي وانا بسيب أيده بأحراج وببعد خطوه لورا وانا بقوله بصوت مبحوح
متلومنيش لانك لو كنت مكاني حتي لو بتحبني و واثق فيا كنت هتعمل اكتر من كده كلنا بشړ وبنغلط متلومنيش علي حاجه مليش ذنب فيها متلومنيش اني عملت كده من قهرتي ومن حبي ليك متلومنيش لان لو كان حصل كده مع شخص مش بحبه كنت طربقت الدنيا فوق دماغه متلومنيش وعلي فكره انا متجوزتش وائل انا رفضت الجواز منه علي آخر لحظه قلبي مطاوعنيش اعمل كده مطاوعنيش يتكتب اسمي علي اسم حد غيرك
واخدت نفس طويل وانا ببصله ويسأله للمره الاخيره
ايا كان قرارك انا هحترمه
وبرضو بصلي بنفس الجمود وهو مربع أيده الاتنين فهزيت راسي بۏجع
تمام ربنا يسعدك مع حد احسن مني
قولت جملتي ولفيت عشان امشي وقبل ما اخطي خطوه تانيه سمعت صوته بينادي
عائشه متمشيش
وكأن روحي رجعتلي في اللحظه ديه ضحكت ضحكه واسعه وانا بلفله لقيته واقف ومبتسم بهدوء وهو بيقرب مني وبيبص في عيوني
مش بعد اللي استحملته واللي انتي استحملتيه عشان نكون مع بعض هسيبك بالسهوله ديه مش بعد ما ربنا حققلي دعائي اسيبك انا مسامحك ويمكن ده كان اختبار لينا احنا الاتنين يمكن اه فشلنا فيه وشكينا في بعض وبعدنا لكن اتعلمنا
اتعلمنا نتمسك ببعض اتعلمنا نواجه اي مشكله ونتأكد من اي كلام قبل ما ننډم ديه مش اول مشكله هتقابلنا
لسه في مشاكل كتير هتقابلنا بس لو فعلا بتحبيني وانا بحبك هنعديها هنحط صوابعنا في عين اي حد بيحاول يوقعنا في بعض
واتنهد وهو بيقولي بحب
انا بحبك ياعائشه بحبك ومستحيل اسيبك مره تانيه حتي لو انتي اللي طلبتي مني كده
اتنهدت وانا بمسح دموعي
انا اسفه اني
قاطعني وهو بيشاولي بأيده
هششش خلاص اللي فات ماټ خلينا في اللي جاي
هزيت راسي وانا بقوله بحب وفرحه
بحبك اوي
يتطمن لو جنبي بقيتي وان غبتي عن الصوره بعاني
تمت
