قصة مرات أخويا

من_الرسايل
ليا مرات اخويا البيت كله مش بيحبها حتى امي وامي عملت عزومه وعزمت كل اخواتي وانا ومراتات اخواتي وعيالهم إلا هى وعيالها فى أي مناسبه اصلا محدش بيعبرها ولا بيقولها وهي من النوع اللي بيكبر دماغه ولا بيفرق معها أى حاجه ومن النوع لو حد عاملها مش كويس بتتجاهله ومش ببتعامل معاه منك اساسه يعني أمي تروح نتده ع مرات اخويا التانيه والشقه لازقه في شقتها وتقعد تعلي صوتها عشان مرات اخويا تسمعها وتتقهر وهى ولا هما بالعكس ممكن تفقع مرارة أمي وتخلي امى اللي تنزل تتفرس منها عندها برود مش طبيعى

بتتعامل مع المشاكل بكل برود واخويا ماشي وراها وبيزعل على زعلها مش عارفه هى عملاله ايه المهم انا قولت اروح اجيب اخويا وعياله يفطروا في العزومه والصراحه انا كنت رايحه ليهم بس هى مكنتش عايزاها اصلا تيجي فبقول لاخويا يلا البس عشان تنزل تفطر معنا قالي ومراتي وعيالي قولتله ماتلبس هى كمان وتيجي كنت بعزم عزومة مراكبيه اتفاجئت برد فعلها قالت وماله يابواحمد البس وخد العيال وروح افطر اخويا طبعا رفض وانا قعدت اتحايل عليه ع مانزل طبعا بموافقتها ونزلت العيال كمان امى ساكنه في الدور الارضي وجوزها نزل هو والعيال وقاعدين بنفطر لقينا بتاع الدليفري بيخبط ع البوابه بتاعت البيت وهى نازله تقابله ع السلم طالبه حمام وفراخ مشويه وكفته وكباب حاجات معديه الالف ونص ودخلت بكل برود عند امي وقالت لاخويا لو سمحت يا حبيبي حساب بتاع الدليفري اخويا طلع حاسبه وامى فضلت تزعق فيها انتى هتخربي بيت ابنى وكلنا الصراحه اتضايقنا ودى ولا هى هنا قالت لعيالها وحوزها متملوش بطنكم أوى عشان تبقوا تكملوا اكل وجات ضحكة ضحكه مايعه امى ضغطها رفع وروحنا بيها المستشفى واتنكد علينا ومفطرناش وهى فطرت ولا حتي سألت ع أمي غير لما امى جات من المستشفى نزلت تقولها ألف سلامة عليكي ياماما أنا الصراحه اضايقت وقولتلها من افعالك قالت ليه عملت حاجه قولتلها انتي ازاى تصرفي كل ده ع اكله واحده قالت فيها ايه ربنا يخليلي جوزي ويجبلي اذا مكنش هو يجبلي مين اللي هيجبلي وبعدين انتي ايه دخلك اصلا أنا شديت قصادها وهى مردتش وبصتلي من فوق لتحت وقالت لاخويا أنا طالعه فوق يا حبيبي لا تخلص ابقا تعال وتجاهلت كلامي تماما ولا كاني بهزق فيها وكلنا اتنكدنا وجينا نكيدها هى اللى كادتنا واحنا مش عارفين نعمل ايه مع الست الكيادة دي